ಮುತ್ತಿಗೆ ನಮಗೂ ಬೇಕೆ?: ಮುಂಬೈಗೆ ಬಂತು 'ಆಕ್ಯುಪೈ ವಾಲ್ ಸ್ಟ್ರೀಟ್' ಪ್ರತಿಭಟನೆ

ಚ೦ದಮಾಮನ ಮನೆಯತ್ತ ...
ಯಾ೦ತ್ರಿಕ ಬದುಕಿನ ಜ೦ಜಾಟದ ನಡುವೆ ನಗುವೆ೦ಬುದೇ ಮರೆತು ಹೋಯಿತೋ ? ಎ೦ದು ಚಿ೦ತಿಸುತ್ತಾ ಮನೆಯತ್ತ ಹೆಜ್ಜೆ ಹಾಕತೊಡಗಿದೆ . ಮುದ್ದಿನ ಮಡದಿಯೂ "ನೀವು 24 ಗ೦ಟೆಯೂ ಕೆಲಸ ... ಕೆಲಸ ... ಎ೦ದು ಒದ್ದಾಡುತ್ತಿರಿ. ನನ್ನೊ೦ದಿಗೆ ಕ್ಷಣ ಕಾಲ ಪ್ರೀತಿಯಿ೦ದ ಮಾತಾಡಲೂ ನಿಮಗೆ ಪುರುಸೊತ್ತು ಇಲ್ಲ " ಎ೦ದು ಆಗಾಗ ಬಯ್ಯುತ್ತಿರುತ್ತಾಳೆ . ಏನು ಮಾಡೋದು ? ಜೀವನರಥ ಸಾಗಬೇಕು ಎ೦ದಾದರೆ ಸ೦ಪಾದನೆ ಮಾಡಲೇ ಬೇಕು .
ಯೋಚಿಸುತ್ತಾ ಮನೆ ತಲುಪಿದಾಗ ಮಡದಿ ಚ೦ದಿರಾ ಮತ್ತು ಮುದ್ದಿನ ಮಗಳು ಮ೦ದಿರಾ ನಡುವೆ ವಾಗ್ಯುದ್ಧ ನಡೆಯುತ್ತಿತ್ತು . "ಮುದ್ದು ... ಚಿನ್ನು ... ಮರಿ ... ಊಟ ಮಾಡು ಕ೦ದ ... ನಾನು ನಿ೦ಗೆ ಚ೦ದಮಾಮ ತ೦ದು ಕೊಡ್ತೇನೆ " ಎ೦ದು ಮಗಳಿಗೆ ಊಟ ಮಾಡಿಸಲು ಮಡದಿ ಒದ್ದಾಡುತ್ತಿದ್ದಳು . ಮಗಳೋ "ಜಗಮೊ೦ಡು ". ಊಟ ಎ೦ದರೆ ಅವಳು ಓಟ ಎ೦ದು ತಪ್ಪಿಸಿಕೊ೦ಡು ಕಾಟ ಕೊಡುತ್ತಾಳೆ .
ತಾಯಿ , ಮಗಳ ಹೋರಾಟ ಕ೦ಡು ನನ್ನ ತುಟಿಯ ಅ೦ಚಿನಲ್ಲಿ ನಗು ಮೂಡಿತು . ಚಿನ್ನ ... ಊಟ ಮಾಡಲ್ವಾ ? ನಿ೦ಗೆ ಆಟ ಆಡಕ್ಕೆ ಚ೦ದಮಾಮ ಬೇಡ್ವ ? ನಿ೦ಗೆ ದೊಡ್ಡ ಚ೦ದಮಾಮ ತ೦ದು ಕೊಡ್ತೇನೆ " ಎ೦ದು ಮಗಳನ್ನು ಎತ್ತಿಕೊ೦ಡು ರಮಿಸಿದೆ . ನನ್ನ ಕೈ ಯಿ೦ದ ಕೊಸರಿಕೊ೦ಡು ಕೆಳಗಿಳಿದ ಮಗಳು ಊಟ ಮಾಡಲೊಲ್ಲೆ ಎ೦ದು ಹಠ ಹಿಡಿದಳು . ನಿಂಗೆ ಏನು ಬೇಕು ಹೇಳು ಮರಿ . ತ೦ದು ಕೊಡ್ತೇನೆ . ಆದ್ರೆ ಈಗ ಊಟ ಮಾಡು ಎ೦ದೆ . ಅಡ್ಡಡ್ಡ ತಲೆ ಅಲ್ಲಾಡಿಸಿದ ಮ೦ದಿರಾ , ನ೦ಗೆ ತ೦ದು ಕೊದೊದೆಲ್ಲ ಬೇಡ . ನನ್ನ ನ್ನು ಚ೦ದಮಾಮನ ಹತ್ತಿರ ಕರೆದುಕೊ೦ಡು ಹೋಗು ಎನ್ನಬೇಕೆ ?
"ಮುದ್ದು ... ಚ೦ದಮಾಮನ ಹತ್ತಿರ ಹೇಗಮ್ಮ ಹೋಗೋದು ? ಮ೦ದಿರನ ಉತ್ತರ ಏನಿರಬಹುದು ಎ೦ಬ ಕುತೂಹಲದಿ೦ದ ಕೇಳಿದೆ ? ಈಗಿನ ಪಿಳ್ಳೆಗಳು ತು೦ಬಾ ಫಾಸ್ಟು ನೋಡಿ . "ಮೊನ್ನೆ ಯಾರೋ ಚ೦ದಮಾಮನ ಮನೆಗೆ ರಾಕೆಟ್ ಕುಹಿಸಿದರ೦ತೆ . ಆ ರಾಕೆಟ್ ನಲ್ಲಿ ಕೂತ್ಕೊ೦ಡು ಹೋದ್ರಾಯ್ತು " ಎ೦ದು ಉತ್ತರಿಸಿ ನನ್ನನ್ನೇ ಬೆಚ್ಚಿ ಬೀಳಿಸಿದಳು ಮಗಳು ಮ೦ದಿರಾ .
"ಬ೦ಗಾರಿ ಆ ರಾಕೆಟ್ಟಲ್ಲಿ ಜಾಗ ಇಲ್ಲ೦ತೆ ಮರಿ . ನೀನು ಅಜ್ಜಿ ಮನೆಗೆ ಹೋಗುವಾಗ ಬಸ್ಸಲ್ಲಿ ಜಾಗ ಸಿಗದಿದ್ರೆ ಹೋಗಕ್ಕಾಗುತ್ತ ? ಅದೇ ರೀತಿ ರಾಕೆಟ್ಟಲ್ಲಿರೋ ಸೀಟುಗಳೆಲ್ಲ ಫುಲ್ ಆಗಿದ್ಯ೦ತೆ ಚಿನ್ನು . ಇನ್ನೊಮ್ಮೆ ಜಾಗ ಸಿಕ್ಕಾಗ ನಿನ್ನನ್ನು ಕರ್ಕೊ೦ಡು ಹೋಗ್ತೇನೆ ಎ೦ದು ಸಮಾಧಾನಿಸಿದೆ . "ಖ೦ಡಿತಾ ಕರ್ಕೊ೦ಡು ಹೋಗ್ತೀಯಲ್ವಾ ?" ಎ೦ದು ಆಕೆ ಮತ್ತೆ ಮತ್ತೆ ವಿಚಾರಿಸಿ ದೃಢ ಪಡಿಸಿಕೊ೦ಡು .
ನನ್ನ ಜೋಬಲ್ಲಿದ್ದ ಮೊಬೈಲ್ ಅಷ್ಟು ಹೊತ್ತಿಗಾಗಲೇ "ನಾನೂ ಇದ್ದೇನೆ " ಎ೦ಬ೦ತೆ ಗುನುಗುಟ್ಟತೊಡಗಿತು. "ಗಣಿ ಧಣಿಗಳು ತುದಿಗಾಲಲ್ಲಿ ನಿ೦ತಿದ್ದಾರೆ " ಎ೦ಬ ಸುದ್ದಿ ಬಿರುಗಾಳಿಯ೦ತೆ ಮೊಬೈಲ್ ನಿ೦ದ ತೂರಿ ಬ೦ತು . ಕ್ಷಣ ಕಾಲ ನನ್ನೆದೆ ಸ್ತಬ್ಧವಾಯಿತು . ತುದಿಗಾಲಲ್ಲಿ ನಿ೦ತಿರುವುದೇನೋ ಸರಿ . ಆದರೆ , ಹಾಗೆ ನಿ೦ತಿರುವ ಉದ್ದೇಶ ಏನು ? ಎ೦ಬುದೇ ಅರ್ಥವಾಗಲಿಲ್ಲ . ಮ೦ಡೆಗೊ೦ದು ಕುಟ್ಟಿದಾಗ ಅದರೊಳಗಿದ್ದ `ಕಿಡ್ನಿ ' ಕೆಲಸ ಮಾಡಲಾರ೦ಭಿಸಿತು .
ಒ೦ದೇ ಒ೦ದು ಅವಕಾಶ ಸಿಕ್ಕರೆ ಚ೦ದ್ರನ ಮೇಲಕ್ಕೆ ಹಾರಿ , ಅಲ್ಲೇ ಗಣಿಗಾರಿಕೆ ಆರ೦ಭಿಸಿ ಭಾಳಾ ದುಡ್ಡು ಮಾಡೋದು ಅ೦ತ ಅವರು ಯೋಚನೆ ಮಾಡುತ್ತಿದ್ದಾರೆ . ಉಲ್ಕಾಪಾತದಿ೦ದಾಗಿ ಚ೦ದ್ರನ ಮೇಲೆ ಈಗಾಗಲೇ ಸಾಕಷ್ಟು ಹೊ೦ಡ ಗಳು ನಿರ್ಮಾಣವಾಗಿವೆ . ಇನ್ನು ಗಣಿಗಾರಿಕೆ ಆರ೦ಭಿಸಿದರೆ , ನ೦ತರ ಹೊ೦ಡ ಗಳನ್ನೂ ಲೆಕ್ಕ ಮಾಡುವುದೇ ಕಷ್ಟವಾಗಬಹುದೋ ಏನೋ ?
"ರೀ ... ಏನ್ರೀ ಯೋಚನೆ ಮಾಡ್ತಿದ್ದೀರಾ ? ಬೇಗ ಮಲಗೋಕೆ ಆಗಲ್ವೆನ್ರೀ ? ನಾಳೆಯಿ೦ದ 3 ದಿನ ರಜೆ ಬೇರೆ . ಊರಿಗೆ ಹೋಗಿ ಬರೋನಾರೀ ..." ಮಡದಿಯ ವೈಯ್ಯಾರದ ನುಡಿಗಳು ನನ್ನನ್ನು ಬಾಹ್ಯ ಪ್ರಪ೦ಚಕ್ಕೆ ಎಳೆ ತ೦ದವು . "ಎರಡು ದಿನ ರಜೆ ಸಿಕ್ತು ಎ೦ದಾದ್ರೆ ಇವಳದ್ದು ಇದ್ದದ್ದೇ ಪುರಾಣ " ಎ೦ದುಕೊ೦ಡು ಹಾಸಿಗೆ ಮೇಲೆ ಅಡ್ಡಾದೆ .
ಊರಿಗೆ ಹೋಗುವ ಖುಷಿಯಲ್ಲಿ ಬೆಳಗ್ಗೆ 4 ಗ೦ಟೆಗೇ ಎದ್ದ ಮಡದಿ ನನ್ನನ್ನೂ ಸರಿಯಾಗಿ ನಿದ್ದೆ ಮಾಡಲೂ ಬಿಡಲಿಲ್ಲ . ಮಡದಿಯಾ ಅಪೇಕ್ಷೆಯ೦ತೆ ಬೇಗನೆ ಊರು ತಲುಪಿದೆವು . ಬೆ೦ಗ್ಳೋರಲ್ಲಿ ಇರುವವರು ಎ೦ದು ಒ೦ಥರಾ ವಿಚಿತ್ರ ದ್ರುಷ್ಟಿಯಿ೦ದ ನೋಡುತ್ತಿದ್ದರು ಊರ ಜನ . ಆದರೂ ಊರಿನ ವಾತಾವರಣ ಮನಸ್ಸಿಗೆ ಒ೦ದು ರೀತಿಯ ಮುದ ನೀಡಿತು . ಎಷ್ಟೇ ಆದರೂ ಪ್ರಕೃತಿಯ ಮಡಿಲಲ್ಲಿರುವ ಹಳ್ಳಿ ಅಲ್ಲವೆ ? ನಾನೂ ಆನ೦ದದಿ೦ದ ನಲಿದಾ ಡಿದೆ . ಮಡದಿ ಯೊತೂ ಸ್ವರ್ಗವೆ ಕೈಗೆಟುಕಿದ೦ತೆ ಖುಷಿಪಟ್ಟಳು . ಮಗಳಿಗೆ ನಾಯಿ , ಬೆಕ್ಕು , ದನ - ಕರು ಮೊದಲಾದವು ಗಳೇ ಸ೦ಗಾತಿಗಾದವು .
ಮಧ್ಯಾಹ್ನ ಊಟದ ವೇಳೆಗೆ ಕೆಲಸ ಮುಗಿಸಿಕೊ೦ಡು ಹೊರಗಡೆಯ ಜಗುಲಿಯ ಮೇಲೆ ಬ೦ದು ಕುಳಿತ ಕೆಲಸ ದಾಳು ರ೦ಗ ಕೈಮುಗಿದು "ಅಣ್ಣಾವ್ರೆ ನಮಸ್ಕಾರ . ಇವತ್ತು ಬ೦ದ್ರಿಯ ?" ಎ೦ದ .
"ಹೌದು ಕನ್ಲಾ ರ೦ಗ . ನೀ ಹೆ೦ಗಿದ್ದೇಯ ?" ಎ೦ದೆ . "ನಮ್ದೇನು ಬುದ್ಧಿ ? ಮಾಮೂಲಾಗೆ ಇದ್ದೀವಿ ." ನೀ ರಸವಾಗಿ ಉತ್ತರಿಸಿದ ರ೦ಗ ನನ್ನು ಎವೆಯಿಕ್ಕದೆ ನೋಡಿದೆ . "ಏನ್ಲಾ ರ೦ಗ ? ಹೆ೦ಡ್ತಿ ಮುನಿಸ್ಕ೦ಡಾಳೇನು ? ಎ೦ದು ಮೂತಿ ತಿರುವಿದೆ . " ಯೋ ...! ಹ೦ಗೇನೋ ಇಲ್ಲ ಬುದ್ಧಿ . ಅವಳೆಲ್ಲಿ ಮುನಿಸ್ಕ೦ತಾಳೆ ? ಎ೦ದು ಹಲ್ಲು ಕಿರಿದ ರ೦ಗ ಮತ್ತೆ ಮು೦ದುವರಿದು "ಅಲ್ಲ ಬುದ್ಧಿ ! ಏನೋ ... ಚ೦ದ್ರಯಾನ ಅ೦ತಾರಲ . ಅದು ಏನು ಬುದ್ಧಿ ? ಚ೦ದ್ರನ ಮ್ಯಾಗೆ ಹೋಗಕ್ಕಾಯ್ತದ ?" ಎ೦ದು ಭಾರೀ ಯೋಚನಾಮಗ್ನನಾಗಿ ಕೇಳಿದ .
"ಅರೆರೆ ...! ಈ ಚ೦ದ್ರಯಾನ ಇವನ ತಲೆಗೂ ಹುಳ ಬಿಟ್ಟಿದೆಯಲ್ಲ ! ಇವನೂ ಚ೦ದ್ರನತ್ತ ಹಾರುವ ಯೋಚನೆ ಏನಾದರೂ ಮಾಡುತ್ತಿದ್ದಾನೆಯೇ ?" ಎ೦ದು ಯೋಚಿಸುತ್ತಲೇ ಅವನಿಗೆ ಉತ್ತರಿಸಿದೆ .
"ವಿಜ್ಞಾನಿಗಳು ಚ೦ದ್ರನಲ್ಲಿಗೆ ಉಪಗ್ರಹ ಕಳ್ಸಿದ್ದಾರೆ ಕನ್ಲಾ ರ೦ಗ . ಅಲ್ಲಿ ನೀರು , ಜೀವಿಗಳು ಏನಾದರೂ ಇದೆಯಾ ಅ೦ತ ಅವರು ಪರೀಕ್ಷೆ ಮಾಡ್ತಾರೆ ..." ನನ್ನ ಮಾತು ಮುಗಿಯುವ ಮುನ್ನವೆ ಮಧ್ಯೆ ಮೂಗು ತೂರಿಸಿದ ರ೦ಗ "ಬುದ್ಧೀ ...! ಈ ಉಪದ್ರವವನ್ನು ಚ೦ದ್ರನಲ್ಲಿಗೆ ಹೇಗೆ ಕಳಿಸ್ತಾರೆ ? ಎ೦ದು ಪ್ರಶ್ನಿಸಿದ .
"ಅದು ಉಪದ್ರವ ಅಲ್ಲ ಕಣ್ಲ , ಉಪಗ್ರಹ . ಅದನ್ನು ರಾಕೆಟ್ ಮೂಲಕ ಅಲ್ಲಿಗೆ ಕಳಿಸ್ತಾರೆ " ಎ೦ದು ಸಣ್ಣಗೆ ನಕ್ಕೆ . "ಓ ! ನಾವು ದೀಪಾವಳಿಗೆ ತರ್ತೆವೆ ಅಲ್ಲ ಆ ರಕೆತ್ತ ?" ಎ೦ದ ಆತನ ಜ್ಞಾನ ದಾಹ ತಣಿಸಬೇಕೆ೦ದು ರಾಕೆಟ್ , ಉಪಗ್ರಹ ಉಡಾಯಿಸುವ ವಿಧಾನ ವಿವರಿಸಿದೆ . ಎಷ್ಟು ಅರ್ಥ ಆ ಯಿತೋ ಗೊತ್ತಿಲ್ಲ .
ಅಷ್ಟು ಹೊತ್ತಿಗೆ ರ೦ಗನಿ೦ದ ಮತ್ತೊ೦ದು ಪ್ರಶ್ನೆ ರಾಕೆಟ್ ನ೦ತೆ ತೋರಿ ಬ೦ದಿತ್ತು . "ಬುದ್ಧಿ . .. ಚ೦ದ್ರನಲ್ಲಿ ನ೦ಗೇನದ್ರೋ ಕೆಲಸ ಸಿಗ್ಬಹುದ ?" ರ೦ಗನ ಪ್ರಶ್ನೆ ಗೆ ಬೆಚ್ಚಿಬಿದ್ದೆ . ಮುದ್ದಿನ ಮಗಳು ಮ೦ದಿರಾ , ಗಣಿ ಧಣಿಗಳು ಮಾತ್ರವಲ್ಲ , ಇವನೂ ಚ೦ದ್ರನಲ್ಲಿ ಗೆ ಹೋಗೋ ಪ್ಲ್ಯಾನ್ ಮಾಡಿದ್ದಾನಲ್ಲ ಎ೦ದು ನಗು ಬ೦ತು . "ಇಲ್ಲ ಕಣ್ಲ ರ೦ಗ . ಸದ್ಯಕ್ಕೆ ಅಲ್ಲಿ ಹೋದ್ರೆ ನಂ ಗೆ ಬದುಕಕ್ಕಾಗಲ್ಲ " ನಾನೆ೦ದಾಗ "ಹ೦ಗಾದ್ರೆ ಹೋಗಲ್ಲ ಬಿಡಿ " ಎ೦ದ .
ಇಷ್ಟೆಲ್ಲಾ ಆಗುವಾಗ ಮಡದಿ ಮತ್ತು ಅತ್ತೆ ಊಟ ಮುಗಿಸಿ ಹೊರ ಬ೦ದಿದ್ದರು . "ಈ ಚ೦ದ್ರಯಾನದ ಬಗ್ಗೆ ನ೦ಗೋ ಸ್ವಲ್ಪ ಹೇಳೋ " ಎ೦ದು ಮಾವ , ಅತ್ತೆ ಇಬ್ಬರೂ ದುಒಬಾಳು ಬಿದ್ದರು . ಇವರೂ ಚ೦ದ್ರನಲ್ಲಿಗೆ ಹೋಗೋ ಪ್ಲ್ಯಾನ್ ಏನಾದರೂ ಹಾಕಿಕೊ೦ಡಿದ್ದಾರ ? ಹಾಗ್ ಏನಾದರೂ ಆದ್ರೆ ಹೆ೦ಡ್ತಿ , ಮಗಳನ್ನು ಕರೆದುಕೊ೦ಡು ಅತ್ತೆ ಮನೆಗೆ ಹೋಗೋದು ಕಷ್ಟ ಆಗುತ್ತಲ್ಲಪ್ಪ ... ನಾನೂ ಒ೦ದು ರಾಕೆಟ್ಟು ಖರೀದಿಸಬೇಕಾಗುತ್ತೇನೋ ? ಎ೦ದು ಚಿ೦ತಿತನಾಗಿಯೇ ಚ೦ದ್ರಯಾನದ ಬಗ್ಗೆ ವಿವರಿಸಿದೆ .
"ಅಲ್ವೋ ... ಅಲ್ಲಿ ಸೊಪ್ಪು , ತರಕಾರಿ , ಏನಾದರೂ ಬೆಳೀಬಹುದೇನೋ?" ಎ೦ದು ಅತ್ತೆ ಕೇಳಿದಾಗ ಅವರ ಯೋಚನೆಯ ಜಾಡು ಸಿಕ್ಕಿತು . "ಅತ್ತೆ ನೀವು ಇಲ್ಲಿ ತರಕಾರಿ ಬಳೆದ್ರೆ ಸಾಕು . ಅಲ್ಲಿ ಹೋಗಿ ಏನೂ ಮಾಡೋದು ಬೇಡ " ಎ೦ದು ಟಿವಿ ಆನ್ ಮಾಡಿ ವಾರ್ತೆ ವೀಕ್ಷಿಸತೊಡಗಿದೆ .
"ಚ೦ದ್ರನಲ್ಲಿ ಸುರಫಾಳಕಗಳನ್ನು ಅಳವಡಿಸಿ ವಿದ್ಯು ತ ಉತ್ಪಾದನೆ ಮಾಡುವ ಯೋಜನೆ ಇದೆಯ೦ತೆ . ಆ ವಿದ್ಯುತ್ ತನ್ನು ಭೂಮಿಗೆ ಕಳುಹಿಸಿ ಇಲ್ಲಿನ ಕೊರತೆಯನ್ನು ನೀಗಿಸುವ ಉಪಾಯ ವಿಜ್ಞಾನಿಗಳ ತಲೆಯಲ್ಲಿದೆ " ಎ೦ಬ ಸುದ್ದಿ ಅದರಲ್ಲಿ ಬಿತ್ತರಗೋದು ನನ್ನ ತಲೆಯೊಳಗೆ ಉಪಗ್ರಹವನ್ನು ಸುತ್ತು ಹೊಡೆಸಿತು .
ತನ್ನಿಚ್ಛೆಯ೦ತೆ ಸುತ್ತಾಡುತ್ತ , ಚಿಣ್ಣರ ಮುಖದಲ್ಲಿ ಮ೦ದಹಾಸ ಮಿನುಗಿಸುತ್ತ , ಅವರಿಗೆ ಪ್ರೀತಿಯ ಚ೦ದಮಾಮನಾಗಿ ನೆಮ್ಮದಿಯಿ೦ದ ಕಾಲ ಕಳೆಯುತ್ತಿದ್ದ ಚ೦ದ್ರ ಇನ್ನು ನೆಮ್ಮದಿಯಿ೦ದ ಬದುಕಿದ೦ತೆಯೇ . ಪಾಪ ... ಅವನನ್ನು ಹಿಗ್ಗಾ ಮುಗ್ಗಾ ಎಳೆದಾಡಿ ಟಾಮ್ ಆ೦ಡ ಜೆರ್ರಿ ಕಾರ್ಟೂನ್ ಥರ ಮಾಡಿ ಬಿಡದಿದ್ದರೆ ಸಾಕು ಎ೦ದುಕೊ೦ಡು ಯೋಚನೆಯ ಕಡಲಿಗೆ ಜಾರಿದೆ .
(ಸೊಗಸಾದ ಸೊಗಸಾದ ವ್ಯ೦ಗ್ಯ ಚಿತ್ರಗಳನ್ನು ಬರೆದು ಲೇಖನದ ಅ೦ದವನ್ನು ಹೆಚ್ಚಿಸಿದ್ದು ಮಿತ್ರ , ವ್ಯ೦ಗ್ಯ ಚಿತ್ರ ಕಲಾವಿದ ಜಯರಾಮ ನಾವಡ (ಜನಾ ) .)